"Suicide - 5 warning signs to be aware of (Pidgin)"

SUICIDE: 5 WARNING SIGNS TO BE AWARE OF 


Suicide na wen person cause harm or injury to emself with the intention to die. E don dey estimated say one person dey die by suicide every 11 minutes. Suicide dey happen worldwide, but over 77% of reported suicides dey happen for low- and middle-income countries.  

Globally, suicide account for over 700,000 deaths and na the second leading cause of death for people between the ages of 10 to 34. 
Suicide fit be unplanned event, but for most cases, people go display warning signs before them go through with am.  

Here na 5 important warning signs to dey aware of: 
  
The person dey talk about or dey plan for death: person wen dey suicidal fit dey repeatedly talk about death or ending everything or taking a break from everything. Sometimes, dem fit talk about how den dey feel hopeless or say dem nor get anything to live for. For some instances, dem fit focus on how people for dia lives go dey happier if dem nor dey. This kind talk fit dey paired with specific ways wen dem wan use end am like drinking toxic substance or make dem jump from high place. This one dey classified as immediate suicide risk and e need make dem take am seriously.   
  
history of mental health disorders: some mental health conditions dey increase the chances say person go get suicidal tendencies and commit suicide. Dem include alcohol/substance use disorder, bipolar disorder, schizophrenia, borderline personality disorder, eating disorders, and depression. Among these disorders, depression get very strong link to suicide. People with depression dey 20 times more likely to attempt or commit suicide than the rest of the population. Depression na key factor in about 50% of recorded suicides. 
  
The person is suddenly happy or at peace: the decision to commit suicide dey mostly made after period of dealing with any form of crisis. The person wen dey unhappy and withdrawn, suddenly e come appear to dey happy or calm pass as e be before. Dem begin spend time with friends and family and fit even give out priced possessions to others. People wen dey around the person go misinterpret this sudden happiness as recovery but for most cases, na the person way of saying goodbye.   
  
The person don recently experience major life crisis: one key reason why people dey attempt suicide na as means of escape from dia life. Events like financial bankruptcy, death of a loved one, loss of one’s home or means of livelihood, diagnosis of a chronic illness like cancer, relationship breakup or divorce, natural disasters, sexual assault, false accusations, and legal issues fit lead person to suicide.   
  
The person displays very reckless/dangerous behaviour: when person dey get suicidal thoughts, dem fit begin intentionally engage in dangerous behaviour wen drm nor go engage in normally. Dem fit start or increase dia use of drugs and alcohol, drive recklessly, pick fights with people, use high dosages of medication, or go dangerous places alone. For people wen get access to lethal weapons like guns or toxic substances like acid or industrial chemicals, reckless behaviour fit quickly result to suicide. 
  
Conclusion 
People wen don attempt or commit suicide dey see am say na em be the only means of escape from extreme mental distress. Suicide nor be sign of weakness and e nor be sign of personal failure . If you or person wen you know dey feel suicidal, abeg nor give up, use available resources and expert help to turn around.