"Weight management after childbirth (pidgin)"

WEIGHT MANAGEMENT AFTER CHILDBIRTH 
  
You dey concerned about the changes your body done go through bcos of pregnancy? You think say e nor possible to get your pre-pregnancy body back , or even if you nor get the exact thing make but make e near am ? 
  
The extra weight wen you gain na due to your baby wen dey grow, bigger breasts, and increased body fat go store. If you wan get belle again, e dey important for you to return to healthy weight. 
  
To manage your weight after birth nor be easy thing due to the stress of postpartum period and how you go take adjust to the baby routine. But, some tips to help you manage your weight na em I bring come . 
  
1) SET REALISTIC GOALS: The first thing you suppose know be say high chance dey say you fit nor return to your pre-pregnancy weight as the changes wen pregnancy cause fit be long-lasting. 
You go need accept say your waistline fit nor go back to the way wen e be before, and if you dey compare yourself to other women na frustration you dey call for yourself. As we don talk that one , you fit set realistic goal for yourself and map out plan then stick to the plan . The length of time wen dey required for weight loss fit also depend on the amount of weight you gain during pregnancy. 
  
2) BREASTFEEDING: Breastfeeding don show say e dey help to burn calories. While breastfeeding, e dey important to eat healthy diet. Some women dey experience weight gain because dem dey eat more during breastfeeding, especially fat-rich meals. This, plus little or no exercise, go lead to weight gain. 
  
3) AVOID CRASH DIETS: dem be low-calorie diets wen dem dey advertise to help you quick lose weight. After delivery, e dey important to take nutritious meals to help your body fully heal and recover. Breastfeeding mothers dey also require more calories to help dem with milk production. 
  
4) DIET AND EXERCISE: You suppose dey mindful of your daily calorie intake to make sure say you nor take pass Wetin your body need, as the extra calories go simply dey stored as fat. E also dey recommended say make you eat food wen dey rich in fibre and eat healthy proteins like eggs and dairy.  

Avoid alcohol and discipline yourself make you eat only healthy snacks like nuts, vegetables, and dried fruits.  
Avoid overly processed foods and refined carbohydrates. Diet supposed dey coupled with exercise to get the best results.  

Only do strenuous exercises when you don fully heal, and if you dey doubt, check with your doctor about the type of exercise you fit do, especially if you delivered through CS. Walking na good exercise wen fit also help with weight loss. 
  
5) STAY HYDRATED AND GET ADEQUATE SLEEP: Drinking water dey beneficial for everyone, especially people wen dey try to lose weight. E dey increase your metabolism and go make you feel fuller.  
If you nor get enough sleep e go add to your stress and go make you dey more tired. E go also make am more difficult to stick to your weight-loss plan. As much as you fit, take naps, especially wen your baby dey sleep. 
  
  
SUMMARY 
Nor compare yourself with others. Some people get help, and you fit not get the amount of time or support wen dem get . 
Do wetin go work for you, and most importantly, dey kind to yourself. 

Give your body time to heal, as child-birth dey stressful, and e dey okay for you to take your time. 
To return to your pre-pregnancy weight, e dey advisable to give yourself about 6 months to one year. 
Remember to ask for help from your health care provider, family, or friends. This na difficult process, and e go help to get all the support wen you fit get .